Kyareng Bodkyi Luyang - Tradi-Modern Tibetan Songs

མཆོད་ཆང་བསྟོད་པ།

མཆོད་ཆང་ལ་ནི་སྦྲང་རྩིའི་སྙིང་ཁུ།  སཱོ་འོ་ཡ་ལ་སྟེང་མཆོག་ལ་ནི་ལྷ་ལ་ཕུལ་ལ་ཡོད།

བཞེས་གང་ལ་ནི་བཞུས་པ་ཙམ་གྱིས།  སེམས་པའི་རེ་བ་གྲུབ་སོང་།   གྲུབ་ལ་སོང་།

དགའ་དགའ་སྤྲོ་སྤྲོ་ལ་གནང་དང་། སྐྱིད་པའི་རྩ་བ་ལ་ཚུགས་ཡོང་།

དགའ་དགའ་སྤྲོ་སྤྲོ་ལ་གནང་དང་། སྐྱིད་པའི་རྩ་བ་ལ་ཚུགས་ཡོང་།

མཆོད་ཆང་ལ་ནི་དངུལ་འཕོར་ནང་གི  སཱོ་འོ་ཡ་ལ་གཉེན་གྲོགས་ལ་ནི་ལྷན་ལ་ཕུལ་ཡོད།

བཞེས་གང་ལ་ནི་བཞུས་པ་ཙམ་གྱིས།  ཚང་མས་རེ་བ་གྲུབ་སོང་། གྲུབ་ལ་སོང་།

དགའ་དགའ་སྤྲོ་སྤྲོ་ལ་གནང་དང་། སྐྱིད་པའི་རྩ་བ་ལ་ཚུགས་ཡོང་།

དགའ་དགའ་སྤྲོ་སྤྲོ་ལ་གནང་དང་། སྐྱིད་པའི་རྩ་བ་ལ་ཚུགས་ཡོང་།

    སྒྲ་སྙན་བཤད་པ།

སྒྲ་སྙན་ལ་རྟ་དབང་རྒྱལ།  མི་དགོས་དགོས་ལ་དགོས་ཀྱིི། 

སྒྲ་སྙན་རྟ་མགྲིན་དབང་རྒྱལ། མི་དགོས་དགོས་ལ་དགོས་ཀྱི།

ག་རེ་དགོས་ཀྱི་འདུག

ཕོ་ཤིང་ལ་སྟག་པ་དགོས་ཀྱི།  སྟག་པའི་སྡོང་པོ་ལ་དགོས་ཀྱི།

མོ་ཤིང་གླང་མ་ལ་དགོས་ཀྱི།  གླང་མའི་ཡལ་ག་ལ་དགོས་ཀྱི།

 

སྒྲ་སྙན་ཁྱེད་ཀྱི་གསུང་དེ།  ཨ་མ་ལགས་ཀྱི་གསུང་། དེ་འདྲའི་འདྲ་ལ།

 

སྒྲ་སྙན་ཁྱེད་ཀྱི་གསུང་དེ།  ཨ་མ་ལགས་ཀྱི་གསུང་དང་འདྲ་ལ།

ལ་མོའི་རྒྱབ་ནས་གཏང་ཡང་།  ལ་མོའི་མདུན་ནས་གོ་བྱུང་།

སྒྲ་སྙན་ལ་ནི་རྟ་མགྲིན་དབང་རྒྱལ།  མི་དགོས་དགོས་ལ་དགོས་ཀྱིི། 

སྒྲ་སྙན་རྟ་མགྲིན་དབང་རྒྱལ། མི་དགོས་དགོས་ལ་དགོས་ཀྱི།

ཡང་ག་རེ་དགོས་ཀྱི་འདུག

སྟག་ཤར་གཞོན་པ་ལ་དགོས་ཀྱི།  གསུང་སྐད་སྙན་པ་དགོས་ཀྱི།

བུ་མོ་མཛང་མ་ལ་དགོས་ཀྱི།  བྱིན་གྱི་བླ་མ་དགོས་ཀྱི།

གསན་མཁན་མང་པོ་དགོས་ཀྱི།  བཞུགས་གྲལ་ལྷན་རྒྱས་དགོས་ཀྱི། 

འོ་ཛི་རྟ་མགྲིན་དབང་རྒྱལ།  མི་དགོས་དགོས་དགོས་ལ་དགོས་ཀྱི།

སྒྲ་སྙན་ཁྱེད་ཀྱི་གསུང་དེ།  ཨ་མ་ལགས་ཀྱི་གསུང་དང་འདྲ་ལ།

ལ་མོའི་རྒྱབ་ནས་གཏང་ཡང་།  ལ་མོའི་མདུན་ནས་གོ་བྱུང་།

ལ་མོའི་རྒྱབ་ནས་གཏང་ཡང་།  ལ་མོའི་་་་མདུན་ནས་་་་གོ་བྱུང་་་་་་་།

 

སྙིང་རྗེ་མོ་ལགས།

མཛོ་མོ་ལ་སྤང་གི་སྟེང་ལ།  སྙིང་རྗེ་མོ་ལ།  མཛོ་མོ་སྤུ་ཁ་ཡག་ག
དེ་འདྲའི་མཛོ་མོ་ཡག་ག  སྙིང་རྗེ་མོ་ལ།  དཀར་ཆུ་ཐོན་སྐྱེད་ཡག་ག
དཀར་ཡོལ་ལ་དཀར་བཟང་ནང་ལ།  སྙིང་རྗེ་མོ་ལ།  སེང་གེ་འོ་མ་བླུགས་ཡོད།
ཡིད་ཕྲོག་ལྷ་མོ་ཁྱེད་ཀྱིས། སྙིང་རྗེ་མོ་ལ།  འོ་ཕུད་བཞེས་རོགས་གནང་དང་།
ཧེ་་་་་་་་་་་་་་་་་ཧེ་ཧེ་་་་ཧེ་ཧེ་ཧེ་་་་­་་།  ཧོ་་་་་་་་་་་་་་་་་ཧོ་ཧོ་་་་ཧོ་ཧོ་ཧོ་་་་­་་།
ལྷ་རི་ལ་གྱང་ཐོའི་རི་ལ། སྙིང་རྗེ་མོ་ལ།  དར་ལྕོག་བཙུག་རྒྱུ་བྱུང་ན།
དར་ཤིང་ལ་ཀོང་པོའི་རོང་ནས། སྙིང་རྗེ་མོ་ལ།  འདྲེན་དགོས་བྱུང་ནས་འདྲེན་བགྱི།
རྒྱ་གར་ལ་ཤར་གྱི་རི་ལ།  སྙིང་རྗེ་མོ་ལ།  རྨ་བྱ་མང་པོ་འདུག་སྟེ།
རྒྱལ་པོའི་དབུ་གདུགས་མཉེས་པའི།  སྙིང་རྗེ་མོ་ལ།  རྨ་བྱ་གཅིག་ལས་མིན་འདུག
ཧེ་་་་་་་་་་་་་་་་་ཧེ་ཧེ་་་་ཧེ་ཧེ་ཧེ་་་་­་་།  ཧོ་་་་་་་་་་་་་་་་་ཧོ་ཧོ་་་་ཧོ་ཧོ་ཧོ་་་་­་་།
སྐར་མ་ལ་བརྒྱ་ཡི་དཀྱིལ་ནས།  སྙིང་རྗེ་མོ་ལ།  པ་སངས་འདྲ་བ་མི་འདུག
བུ་མོ་བརྒྱ་ཡི་དཀྱིལ་ནས།  སྙིང་རྗེ་མོ་ལ།   ཁྱེད་རང་འདྲ་བ་མི་འདུག
པདྨའི་ལ་ལྡུམ་རའི་ནང་ལ།   སྙིང་རྗེ་མོ་ལ།   མཛེས་མས་གླུ་དབྱངས་ལེན་གྱིས།
གླུ་དབྱངས་ལ་སྙན་རང་དྲག་ནས།   སྙིང་རྗེ་མོ་ལ།   མ་ཉན་རང་ཉན་ཐུག་སོང།།
ཧེ་་་་་་་་་་་་་་་་་ཧེ་ཧེ་་་་ཧེ་ཧེ་ཧེ་་་་­་་།   ཧོ་་་་་་་་་་་་་་་་་ཧོ་ཧོ་་་་ཧོ་ཧོ་ཧོ་་་་­་་།
མཛོ་མོ་ལ་སྤང་གི་སྟེང་ལ།   སྙིང་རྗེ་མོ་ལ།   མཛོ་མོ་སྤུ་ཁ་ཡག་ག
དེ་འདྲའི་མཛོ་མོ་ཡག་ག  སྙིང་རྗེ་མོ་ལ།  དཀར་ཆུ་ཐོན་སྐྱེད་ཡག་ག

ཁྱེད་རོགས་མེད་དུ་ལུས་དུས།

ཁྱེད་གཅིག་རང་རོགས་མེད་དུ་ལུས་དུས།  མི་གཞན་གཅིག་ལ་རོགས་པ་བྱོས།

ཁྱེད་གཅིག་རང་རོགས་མེད་དུ་ལུས་དུས།  མི་གཞན་གཅིག་ལ་རོགས་པ་བྱོས།

ལམ་ཁ་ག་ཚོད་ཐག་རིང་ཡང་།  རྒྱུག་ཆུ་དེ་བཞིན་རྒྱུགས་དགོས་རེད།

ནམ་ཞིག་ཁྱེད་གཅིག་པོར་ལུས་ན་ཡང་།  སྒུག་མ་བསྡོད་བདུན་དུ་བསྐྱོད་ཤག་གྱིས།

ལམ་ཁ་དེར་ཁྱེད་ལ་ཡང་རོགས་རགས་འགྲོ་གི་རེད།

ཁྱེད་གཅིག་རང་རོགས་མེད་དུ་ལུས་དུས།  མི་གཞན་གཅིག་ལ་རོགས་པ་བྱོས།

གད་མོ་གད་ནས་མི་ཚེ་བསྐྱེལ་དགོས་ཡོད།  རང་གི་སེམས་སྡུག་རང་གི་བཟོད་དགོས་ཡོད།

ཁྱེད་ཀྱི་སུ་ཞིག་འཚོལ་གྱི་ཡོད། དེ་ཕྱི་ལ་མ་འཚོལ་ནང་སེམས་ལ་འཚོལ།

རང་གི་སེམས་ཀྱི་ནང་དུ་འཚོལ་དང་།  མཐུན་པའི་གྲོགས་དང་འཕྲད་འགྲོ་ཡི་རེད།

ཁྱེད་གཅིག་རང་རོགས་མེད་དུ་ལུས་དུས།  མི་གཞན་གཅིག་ལ་རོགས་པ་བྱོས།

 

གསང་བའི་བརྩེ་བ།

གསང་དགོས་བསམ་ཡང་གསང་མ་ཤེས།  ལབ་དགོས་བསམ་ཡང་ལབ་མ་ཤེས།

ང་ཁྱེད་ལ་དགའ་པོ་བྱེད་ཀྱི་ཡོད།  ལབ་དགོས་བསམ་ཡང་ལབ་མ་ཤེས།

ལག་ཐིལ་སྒང་ཁྱེད་ཀྱི་མིང་།  བྲིས་བསུབ་མང་པོ་བྱེད་མྱོང་ཡོད།

ཁྱེད་གཅིག་ལ་དགའ་པོ་བྱེད་ཀྱི་ཡོད།  ཁྱེད་གཅིག་ནས་གསང་དགོས་དོན་ངས་མ་ཤེས། x2

ཁ་ཐོག་ལ་སྐད་ཆ་དེ་ཡོད་ཀྱང་།  ཇི་ལྟར་འདོན་དགོས་ངས་མ་ཤེས།

ང་ཁྱེད་ལ་དགའ་པོ་བྱེད་ཀྱི་ཡོད།  ཁྱེད་ལ་ལབ་སྟངས་ངས་མ་ཤེས།

དགའ་པོ་བྱེད་སྟངས་ཁྱེད་རྣམས་ཀྱིས།  བུ་ང་ལ་ལམ་སྟོན་གནང་རོགས་གནང་།

གྲོགས་གཅིག་གི་བརྩེ་བའི་རེ་བའི་ནང་།  མི་ཚེ་རྫོགས་འགྲོ་རྒྱུ་ཉེན་ཁ་ཆེ། x2

 

ཁྱེད་དང་འཕྲད་རྒྱུའི་གོ་སྐབས་གཅིག  བཟོ་ཡང་མི་ཐུབ་དེ་འདྲའི་ང་།

ང་ཁྱེད་ལ་དགའ་པོ་བྱེད་ཀྱི་ཡོད།  ལབ་དགོས་བསམ་ཡང་ལབ་མ་ཤེས།

ཐག་རིང་ཟུར་ནས་ཡིབ་བཞིན་དུ།  ཁྱེད་རང་སྐྲུང་ནས་བསྡད་མྱོང་ཡོད།

འདི་འདྲའི་སེམས་ཀྱི་གདུང་བ་དེ།  ཁྱེད་ལ་ལབ་རྒྱུར་བཞེད་དགོེས་དོན་ཅི། x2

ང་ཡི་སེམས་ཀྱི་སྨྱོ་ཚུལ་ལ་ལྟོས།  འགྲེལ་བཤད་རྒྱབ་སྟངས་ངས་མ་ཤེས།

ང་ཁྱེད་ལ་དགའ་པོ་བྱེད་ཀྱི་ཡོད།  ལབ་འདོད་ཆེ་ཡང་ལབ་མ་ཤེས།

Kitana pagal dil he mera – Mana-na bhi nahi ata

Hame tumse kitana pyar he – Jatana bhi nashi ata